ရန်ကုန်မြို့ကို လျှပ်စစ်မီးပျက်သည့်အပေါ် ဆိုရှယ်မီဒီယာပေါ် ဝေဖန်ရေးသားသူ ဟစ်ဟော့ပ် တေးရေး/တေးဆို ဗျူဟာဖမ်းဆီးထိန်းသိမ်းခံရ
ရန်ကုန်မြို့ကို လျှပ်စစ်မီးကို ၅နာရီခြားခွဲတမ်းဖြင့် ပေးရာတွင် ပုံမှန်မပေးနိုင်သဖြင့် လူမှုကွန်ယက်စာမျက်နှာတွင် ဝေဖန်ရေးသားခဲ့သည့်ဟစ်ဟော့ပ် တေးရေး/တေးဆိုဗျူဟာကို မေလ ၂၄ ရက်က ၎င်း၏ နေအိမ်မှစစ်ကောင်စီက လာရောက် ဖမ်းဆီးသွားခဲ့ကြောင်း စုံစမ်းသိရှိ၇သည်။
“မီးပြတ်တာကိုဝေဖန်လို့တဲ့ ။ သူပြောတာလဲဟုတ်လဲဟုတ်တယ်။ ပေးချိန်ကိုတောင် ၅ နာရီခြား ဆိုပေမယ့် တစ်နာရီလောက်လာလိုက်၊ ပြတ်လိုက်နဲ့” ဟုဗထူးအိမ်ရာအတွင်း နေထိုင်သူတစ်ဦးက အတည်ပြုပြောဆိုသည်။
ဗျူဟာသည်မေလ ၂၃ ရက်က ၎င်း၏ လူမှုကွန်ယက်စာမျက်နှာတွင် “ရန်ကုန်မြို့ကို လျှပ်စစ်မီး ၅ နာရီခြား ခွဲတမ်းနဲ့ ပေးတာတောင် စောက်ဖြစ်ရှိအောင် မပေးနိုင်တော့တဲ့ ကောင်တွေကို မီးပျက်လို့ဆဲတယ်ကွာ”ဟုပြောဆိုခဲ့ကြောင်း တွေ့ရှိ၇သည်။
၎င်းကိုသူနေထိုင်ရာ ဒဂုံမြို့သစ် (မြောက်ပိုင်း)၊ ၄၈ ရပ်ကွက်၊ ဗထူးအိမ်ရာ ၂ က နေအိမ်တွင် လာရောက်ဖမ်း ဆီးသွားခဲ့ကြခြင်းဖြစ်သည်။
“မှန်တာကိုမှန်တာရေး မှန်တာပြောတာကျ မခံနိုင်ဘူး။ ဟုတ်လဲ ဟုတ်နေတာကို။ ဘယ်လိုတရားဥပဒေနဲ့ ဘယ်လိုမျိုး မအလအစေပါးတွေ လှည့်ပတ်အမှုဖွင့်ဦးမလဲ မသိတော့ပါဘူးဗျာ”ဟု အိမ်ရာတွင်နေထိုင်သူ တစ်ဦးကလည်း ထပ်မံမှတ်ချက်ပြုသည်။
လက်ရှိတွင်ဗျူဟာကို မည်သည့်နေရာသို့ ဖမ်းဆီးခေါ်ဆောင်သွားကြောင်းနှင့် မည်သည့်စခန်းတွင်ထိန်းသိမ်းထားကြောင်းကို မိသားစုဝင်များထံ စုံစမ်းရာ မသိရှိ၇သေးကြောင်းနှင့်အဆက်အသွယ် မရရှိသေးကြောင်း ပြောဆိုသည်။ (NN– 25)
ဓာတ်ပုံ- ဖမ်းဆီးခံ၇ခဲ့သည့် ဟစ်ဟော့ပ်အဆိုတော် ဗျူဟာ
လှူရန်