(ကျန်နေသူများကိုလည်း အမြန်ဆုံး လွှတ်ပေးရန် တောင်းဆို)

ရခိုင်တွင်ရက္ခိုင့်တပ်တော်(AA)နှင့်ဆက်စပ်သံသယဖြင့်ဖမ်းဆီးတရားစွဲခံထား၇သူ ၁၀၀ ကျော် ကျန်နေသေးပြီးသူတို့ကိုလည်း အမြန်ဆုံးလွှတ်ပေးရန် လူ့အခွင့်အရေးလှုပ်ရှားသူများနှင့်မိသားစုဝင်များက တောင်းဆိုနေကြသည်။

၇ခိုင်ပြည်နယ်အတွင်း စစ်တွေ၊ကျောက်တော်၊ မြောက်ဦး၊ မင်းပြား၊ အမ်း၊ ဘူးသီးတောင်၊ မောင်တော၊ ကျောက်ဖြူ၊တောင်ကုတ်နှင့် သံတွဲစသည့်မြို့နယ်များတွင် AA နှင့်ဆက်စပ်သံသယဖြင့် ဖမ်းဆီး တရားစွဲခံနေ၇သူ ၁၀၀ ကျော်ရှိနေသေးပြီး မတရားဖမ်းဆီးချုပ်နှောင်ခံထားရ၍အမြန်ဆုံးလွှတ်ပေးရန် လိုအပ်သည်ဟု ရခိုင့်လူ့အခွင့်အရေးကာကွယ်မြှင့်တင်သူများအဖွဲ့ဒါရိုက်တာ ဦးမြတ်ထွန်းက နိရဥ္စရာကိုပြောသည်။

“လွှတ်ကို လွှတ်ပေး၇မယ်။ကျန်တဲ့ မလွှတ်ပေးလို့ရှိရင်လူ့အခွင့်အရေးချိုးဖောက်တာ။ သူတို့လည်း ပုဒ်မတူ၊ အမှုတူ ကျခံနေရတဲ့ မြန်မာနိုင်ငံသားတွေပါ။သူတို့လည်း တန်းတူအခွင့်အရေး၇သင့်ပါတယ်။  သူတို့ကိူမလွှတ်ပေးသရွေ့၊ချုပ်ထားသရွေ့ကာလပတ်လုံး မတရားဖမ်းဆီးချုပ်နှောင်မှု၊ လူ့အခွင့်အရေး ချိုးဖောက်မှု ဖြစ်တယ်လို့ ပြောချင်တယ်”ဟု ပြောသည်။

၇ခိုင်တွင်ပြီးခဲ့သည့် ၂၀၂၂ ခုနှစ်က စစ်ကောင်စီတပ်နှင့် ရက္ခိုင့်တပ်တော်(AA)တို့ဖြစ်ပွားခဲ့သည့် တကျော့ပြန်တိုက်ပွဲကာလအတွင်းအပြစ်မဲ့ပြည်သူ ၆၀၀ ခန့်ရှိသည်ဟု ၂၀၂၃ ခုနှစ်၊ ဖေဖော်ဝါရီလ ၂ရရက်တွင်ပြုလုပ်သောရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် (ULA/AA)၏ သတင်းစာ ရှင်းလင်းပွဲတွင် ULA/AA ပြောခွင့်၇သူဦးခိုင်သုခက ထည့်သွင်းပြောဆိုသွားခဲ့သည်။

၂၀၂၂ ခုနှစ်၊နိုဝင်ဘာလ ၂၆ ရက်တွင် စစ်ကောင်စီနှင့် AA နှစ်ဘက် အပစ်ရပ်ပြီးနောက် ဖေဖော်ဝါရီလ အထိ ၃၉၁ ဦးသာ လွတ်မြောက်ခဲ့ပြီး ၂၀၃ဦးမှာ ဖမ်းဆီးချုပ်နှောင်ခံနေ၇ဆဲဟုဦးခိုင်သုခက ဆိုသည်။

ပြီးခဲ့သည့် သြဂုတ်လ၁ ရက်တွင် စစ်ကောင်စီက တိုင်းရင်းသားလက်နက်ကိုင်အဖွဲ့များ(EAOs)နှင့် ဆက်စပ်သူ၇၂ ဦး၏ တရားရုံးစစ်ဆေးဆဲအမှုများကို ပိတ်သိမ်းပြီး လွတ်ငြိမ်းခွင့်ပေးလိုက်ရာ၇ခိုင်မှ AA နှင့်ဆက်စပ်သံသယဖြင့် အမှုရင်ဆိုင်နေ၇သူ၆၂ ဦးအထိ လွတ်မြောက်ခဲ့သည်။

သို့သော် AA နှင့်ဆက်စပ်သည်ဟုဆိုကာမတရားအသင်းဆက်သွယ်မှုပုဒ်မ ၁၇(၁)၊ ၁၇(၂)၊ နိုင်ငံတော်အကြည်အညိုပျက်စေမှုပုဒ်မ၅၀၅(က)၊ ၅၀၅(ခ)နှင့် နိုင်ငံတော်ဆူပူလှုံ့ဆော်မှု ဆိုင်ရာဥပဒေပုဒ်မ ၅၀၅-က တို့ဖြင့်နောက်ထပ် လူဦးရေ ၁၀၀ ကျော် တရားစွဲခံနေရဆဲဟု သိ၇သည်။