(မင်းပြား၊မြောက်ဦးနှင့် ပေါက်တောတို့တွင် လက်နက်မချသည့်စစ်ကောင်စီတပ်သားများကို လိုက်လံဖမ်းဆီးချေမှုန်းလျက်ရှိ)

၇ခိုင်ပြည်မှ မြို့နယ် (၅) ခုတွင် ရက္ခိုင့်တပ်တော်(AA)နှင့် စစ်ကောင်စီတပ်တို့အကြား ဆက်လက် တိုက်ပွဲများဖြစ်ပွားလျက်ရှိကြောင်း ညီနောင်မဟာမိတ်သုံးဖွဲ့၏ဇန်နဝါရီ ၁၈ ရက်နေ့ထုတ် သတင်းတွင်ဖော်ပြသည်။

၎င်းမြို့နယ်များမှာ မင်းပြား၊ ပေါက်တော၊မြောက်ဦး၊ ရမ်းဗြဲနှင့် အမ်းမြို့နယ်တို့ ဖြစ်ကြသည်။

“ထိတွေ့တိုက်ပွဲများမှာယခင်ရက်များနည်းတူထူးမခြားနားရှိနေခဲ့သည်”ဟု ဖော်ပြထားသည်။ 

၎င်းပြင် ရခိုင်ပြည် မင်းပြား၊မြောက်ဦးနှင့် ပေါက်တောမြို့နယ်အတွင်း၌ လက်နက်မချသည့် စစ်ကောင်စီတပ်သားများကိုလိုက်လံဖမ်းဆီး ချေမှုန်းလျက်ရှိကြောင်း ဖော်ပြထားသည်။

“ ရက္ခိုင့်တပ်တော် (AA)သည် ယနေ့တွင်လည်း အပြီးသတ်သိမ်းပိုက်ရန်ကျန်ရှိနေသေးသည့်စစ်ကောင်စီ၏ လက်ကျန်တပ်စခန်းများကို  လက်နက်ချအညံ့ခံခြင်းမရှိဘဲမိမိတို့နှင့် အရပ်သားပြည်သူလူထုအား ဆက်လက် တိုက်ခိုက်နေသောရန်သူ့တပ်ဖွဲ့ဝင်များအား လိုက်လံ ဖမ်းဆီးကာ ချေမှုန်းလျက်ရှိသည်”ဟု ဖော်ပြထားသည်။ 

ဘူးသီးတောင်အခြေစိုက်စစ်ကောင်စီ “တပ်မ(၂၂)” လက်အောက်ခံတပ်ဖွဲ့ဝင်များမှ ယမန်နေ့၊ည (၉) နာရီ (၁၀) မိနစ်အချိန်ခန့်က အရပ်သားပြည်သူများရှိရာမြို့ပေါ်ရပ်ကွက်များသို့လက်နက်ကြီးများဖြင့် ညအချိန်မတော် ပစ်ခတ်တိုက်ခိုက်ခဲ့မှုကြောင့် အမှတ်(၅) ရပ်ကွက်၊ ရွာသစ်မှ ဒေသခံလူငယ် (၁) ဦးအား လက်နက်ကြီးကျည်စထိမှန်ကာ ထိခိုက်ဒဏ်ရာရရှိခဲ့သည်ဟု ဖော်ပြထားသည်။