စောရှင်မေ၊နိရဉ္စရာ၊ ဩဂုတ် ၆/၂၀၂၄

ရခိုင်ပြည်၊ မြောက်ဦးမြို့နယ်၊အုတ်ဖိုကန်ကျေးရွာအနီးကို စစ်ကောင်စီကဂျက်ဖိုက်တာဖြင့်ပြီးခဲ့သည့် ညအချိန်က ဒုံးကျည်နဲ့ လာပစ်သွားခဲ့သည်ဟု ဒေသခံများက ပြောသည်။

ယနေ့ဩဂုတ်လ ၆ ရက်၊ နံနက် အစောကြီး ည ၂ နာရီကျော်ခန့်တွင် အုတ်ဖိုကန်ကျေးရွာအနီးရှိ ယခင် အစိုးရပိုင် အစားအသောက်နှင့်ဆေးဝါးကွပ်ကဲရေးဦးစီးဌာန(FDA)ရုံးအနီးသို့Rocket ဒုံးဖြင့်နှစ်ကြိမ်တိုင် လာရောက်ပစ်သွားခြင်းဖြစ်သည်ဟု ဒေသခံတစ်ဦးက နိရဥ္စရာကို ပြောသည်။

"အဲဒီရုံးနဲ့ ရွာသင်္ချိုင်းနဲ့ ကြားမှာကျတာပါ။လူအထိအခိုက်တော့ မရှိဘူး။ ရုံးအဆောက်အဦ အနောက်ဘက်အခြမ်းနည်းနည်းတော့ နာသွားတယ်။ ဗုံးကျသွားတဲ့နေရာက ဗွက်အိုင် မြေအပျော့မှာကျသွားတော့ အဆောက်အဦက နည်းနည်းပဲ နာသွားတာ။ မြေကြီးအမာမှာကျရင်တော့ အဆောက်အဦက အများကြီးပျက်သွားနိုင်တယ်"ဟု ပြောသည်။

အုတ်ဖိုကန်ကျေးရွာသည်မြောက်ဦးမြို့အဝင်တွင်ရှိသည့်ကျေးရွာဖြစ်သည်။ မည်သည့်အတွက် လာရောက်ပစ်ခတ်သည်ကို မသိ၇ဟု ဒေသခံများက ပြောသည်။

ပြီးခဲ့သည့်ဇွန်လ ၄ ရက်၊ နေ့လယ် ၁ နာရီခန့်ကလည်း မြောက်ဦးမြို့နယ်၊ ဝေသာလီ ကျေးရွာ အနီးသို့ စစ်ကောင်စီကဂျက်ဖိုက်တာဖြင့် ဗုံးနှစ်လုံးကြဲခဲ့သည့်အတွက် ယင်းရွာမှ Grade 7 ကျောင်းသားတစ်ဦး ဒဏ်ရာ၇သွားခဲ့သည်။

အလားတူပြီးခဲ့သည့် မေလ ၂၄ ရက်နေ့ နံနက် ၁၀ နာရီခန့်ကလည်း မြောက်ဦးမြို့၊လေးမြို့စား ရပ်ကွက်ရှိခရိုင်အထွေထွေအုပ်ချုပ်ရေးမှူးရုံးနှင့် တရားရုံးနောက်ဘက်သို့ စစ်ကောင်စီကဗုံးနှစ်လုံး ကြဲချခဲ့ပြီးလူအထိအခိုက်တစ်စုံတရာမရှိခဲ့ဟု သိ၇သည်။

ဓာတ်ပုံ- ၂၀၂၄ ခုနှစ်၊ မေလ ၂၄ ရက်ကစစ်ကောင်စီ၏ဗုံးကြဲတိုက်ခိုက်မှုကြောင့် ပျက်စီးသွားသည့် မြောက်ဦးခရိုင်အထွေထွေအုပ်ချုပ်ရေးမှူးရုံးအားတွေ့၇စဥ်။ (Photo-CJ)