ဟားမတ်စ်အဖွဲ့၏ ဒုတိယခေါင်းဆောင် ဆာလက် အယ်လ် အာရိုရီအား လက်ဘနွန်နိုင်ငံ ဘေရွတ်မြို့တွင် အစ္စရေးတို့က လုပ်ကြံသတ်ဖြတ် လိုက်ပြီဟု သိရှိရသည်။
အဆိုပါလုပ်ကြံသတ်ဖြတ်မှုနှင့်ပတ်သက်၍ အစ္စရေးတပ်ဖွဲ့က ၎င်းတို့၏ အသေအချာရွေးချယ်ပြီး အယ်လ်အာရိုရီကို ဒရုန်းဖြင့်လုပ်ကြံ သတ်ဖြတ်နိုင်ခဲ့ပြီဟု ထုတ်ဖော်ကြေညာခဲ့သည်။
ဟားမတ်စ်အဖွဲ့၏ မဟာမိတ် ဟစ်ဇ်ဘိုလာအဖွဲ့က ယခုလုပ်ကြံသတ်ဖြတ်မှုမှာ လက်ဘနွန်နိုင်ငံ၏ အချုပ်အခြာအာဏာကို ထိုးနှက်မှုဖြစ်သည်ဟုပြောဆိုလိုက်ပြီး လက်တုန့်ပြန်သွားမည်ဟု ဆိုသည်။
လက်ဘနွန်ဝန်ကြီးချုပ်က အစ္စရေးတို့၏ ယခုလုပ်ကြံမှုမှာ လက်ဘနွန်နိုင်ငံကို စစ်ပွဲအတွင်းသို့ ဆွဲသွင်းရန် ကြိုးပမ်းမှုဖြစ်သည်ဟု စွပ်စွဲလိုက်သည်။
လက်ဘနွန်မီဒီယာများ၏ ဖော်ပြချက်အရ ဟားမတ်စ်အဖွဲ့၏ လက်ထောက် နိုင်ငံရေးခေါင်းဆောင် အာရိုရီ သည် ဟားမတ်စ်တပ်မှူးနှစ်ဦး၊ အခြားအဖွဲ့ဝင်လေးဦးနှင့်အတူ ဘေရွတ်မြို့တောင်ပိုင်းတွင် အစ္စရေးတို့၏ ဒရုန်းဖြင့် ပစ်ခတ်တိုက်ခိုက်မှုခံရပြီး သေဆုံးသွားသည်ဟု သိရှိရသည်။
အာရုရီသည် ဟားမတ်စ် လက်နက်ကိုင်အဖွဲ့ အော်ဆမ်တပ်ရင်းတွင် အဓိကပုဂ္ဂိုလ်တစ်ဦးဖြစ်သလို ဟားမတ်စ်အဖွဲ့ခေါင်းဆောင် အစ္စမေးလ် ဟာနီယာ၏ အရင်းနှီးဆုံးမဟာမိတ်တစ်ဦးလည်းဖြစ်သည်။
အစ္စရေးနိုင်ငံ၏ ပြောရေးဆိုခွင့်ရှိသူ မာ့ခ်ရီဂက်ဗ်က လုပ်ကြံသတ်ဖြတ်မှုကို ဝန်ခံပြောဆိုခြင်း မရှိသော်လည်း မည်သူက လုပ်ကြံတိုက်ခိုက်သည်ဖြစ်စေ ယခုလုပ်ကြံမှုမှာ လက်ဘနွန်နိုင်ငံအား တိုက်ခိုက်ခြင်းမဟုတ်သလို ဟစ်ဇဘိုလာအဖွဲ့အား တိုက်ခိုက်ခြင်းမဟုတ်ဟု ပြောဆိုသွားခဲ့သည်။
ဟားမတ်စ်အဖွဲ့ ဒုတိယခေါင်းဆောင် အာရိုရီ(၅၇နှစ်) လုပ်ကြံသတ်ဖြတ်ခံရမှုမှာ အောက်တိုဘာ(၇)ရက် တိုက်ခိုက်မှုကြောင့် အစ္စရေး နှင့် ဟားမတ်စ်တို့ ဂါဇာစစ်ပွဲဖြစ်ပွားခဲ့ပြီးနောက်ပိုင်း ဟားတ်စ်အဖွဲ့၏ ရာထူးအမြင့်ဆုံးခေါင်းဆောင်တစ်ဦး သတ်ဖြတ်ခံရမှုဖြစ်သည်။
NN-27
ref:bbcworld