မောင်တောမြောက်ပိုင်း နယ်မြေ (၄) မှ နယ်ခြားစောင့် ၂၀၀ ကျော် စခန်းစွန့်ခွာသွားဟုဆို

ရေးသူ: Web Master (NN 11)
| ရက်စွဲ: ၀၈ ဖေဖော်ဝါရီ ၂၀၂၄
| ကြည့်ရှုသူ: 2.2k

ရခိုင်ပြည်မောင်တောမြို့နယ်မြောက်ပိုင်းနယ်မြေ (၄) စခန်းမှနယ်ခြားစောင့်စခန်းနှင့်ဇီးပင်ချောင်းနယ်ခြားစောင့်စခန်းမှအင်အား ၂၀၀ ကျော်စခန့်သည် စခန်းကိုစွန့်ခွာသွားကြပြီဖြစ်ကြောင်းသတင်း ရရှိသည်။

၎င်းတို့သည် ပြီးခဲ့သည့် ဖေဖော်ဝါရီ ၆ရက် နံနက် အ‌စောပိုင်းက နယ်စပ်ခြံစည်းရိုး ဘေးနားမှ ခြေကျင်လျှောက်ကာ စခန်းစွန့်ခွာသွားကြသည်ဟု မောင်တောမြို့နယ်မှ ဒေသခံတစ်ဦးက နိရဉ္စရာ သတင်းဌာနကို ပြောသည်။

" တိုက်ပွဲတွေတော့မရှိသေးဘူး။ အဲ့ဒီဘက်မှာ၊ စခန်းစွန့်သွားတာက သူတို့အကုန် ဘင်္ဂလာနယ်စပ်နဲ့ ကာရန်ထားတဲ့ ခြံ‌စည်းရိုး ဘေးနားကလမ်းကနေ လမ်းလျှောက်ပြီးစွန့်ခွာသွားကြတာ။ အယောက် ၂၅၀ လောက် ရှိနိုင်တယ်" ဟုပြောသည်။

၎င်းတို့သည် ရခိုင်ပြည် အနောက်ဖက်နယ်စပ် မောင်တော မြို့နယ် ငါးခူရနယ်ခြားစောင့်စခန်း နခခ (၁၀ တွင် ပူးပေါင်းခဲ့ကြသည်ဟု ၎င်းကဆက်ပြောသည်။

" သူတို့က ဘင်္ဂလားကိုတော့မထွက်ပြေးဘူး။နခခ (၁၀) ငါးခူရဖက်မှာသွား ပူးပေါင်းကြတာပါ" ဟုပြောသည်။

ယင်းအပြင် ရက္ခိုင့်တပ်တော် (အေအေ) ရဲ့ ထိုးစစ်ဆင်တိုက်ခိုက်မှုကြောင့် ဘင်္ဂလားဒေ့ရှ်သို့ ထွက်ပြေးလာသူ နယ်ခြားစောင့်တပ်သား အရေအတွက်မှာ ဖေဖော်ဝါရီ ၇ ရက်နေ့အထိ စုစုပေါင်း ၃၂၇ ဦးရှိသွားပြီဟု သိရသည်။ (NN-11)

( ဓာတ်ပုံ- ပုံဟောင်း)

မောင်တောမြောက်ပိုင်း နယ်မြေ (၄) မှ နယ်ခြားစောင့် ၂၀၀ ကျော် စခန်းစွန့်ခွာသွားဟုဆို

ဆက်စပ် သတင်းများ