မုန်တိုင်းကြောင့် ရပ်နားခဲ့ရသည့် ရန်ကုန် - စစ်တွေ ပြည်တွင်းလေကြောင်းခရီးစဥ်များအားလုံးကို ယမန်နေ့ မေလ ၁၈ ရက်နေ့မှ စတင်ပြီး ပုံမှန်ပျံသန်းနေပြီဟု လေယာဥ်လက်မှတ်အရောင်းဆိုင်များမှတဆင့်သိရသည်။
“ မနေ့က စပြီး ပုံမှန်အတိုင်း ပြန်သန်းနေပါပြီ။ ခရီးအသွားအလာကတော့အပြည့်လို့ ပြောလို့ရပါတယ်” ဟု
ပြောသည်။
မုန်တိုင်းကြောင့် စစ်တွေလေဆိပ်အဆောက်အဦမှာ ပျက်စီးခဲ့ရပြီး မေ (၁၅) ရက်မှ စတင်ကာ ပြန်လည်ပြင်ဆင်မှုများ လုပ်ဆောင်ခဲ့ပြီးနောက် ယမန်နေ့က ပြန်လည် ဖွင့်လှစ်ခဲ့ခြင်းဖြစ်သည်။
မုန်တိုင်းကြောင့် ရပ်နားထားခဲ့သည့် ရခိုင်ပြည်တွင်း ရေကြောင်းပို့ဆောင်ရေးများထဲမှမြောက်ဦး-စစ်တွေ၊ စစ်တွေ-ပေါက်တော-မင်းပြားခရီးစဥ် တို့ကို မေ ၁၆ ရက်တွင် စတင်ပြေးဆွဲခဲ့ပြီး မင်းပြား-ပေါက်တော-စစ်တွေ၊ ဘူးသီးတောင်-စစ်တွေ၊ တောင်ကုတ်-ကျောက်နီမော်-ရမ်းဗြဲ၊ကျောက်ဖြူ-စစ်တွေ ခရီးစဥ်များကို မေ ၁၇ ရက်တွင် စတင်ပြေးဆွဲခဲ့သည်ဟု သိရသည်။
ကျန်ရေကြောင်းခရီးစဥ်အားလုံးကိုလည်း မေ ၂၂ ရက်မှ စတင်ကာ ပြန်လည်ပြေးဆွဲမည်ဟု ရွှေပြည်တန်အမြန်ရေယာဥ်လိုင်း Facebook
page တွင် ထုတ်ပြန်ထားသည်။ (NN-7