ကော့ဘဇားရှိ ဒုက္ခသည်စခန်းတွင် ရာဇဝတ်ဂိုဏ်းအချင်းချင်း အပြန်အလှန်ပစ်ခတ်မှုဖြစ်ပွားပြီး ဒုက္ခသည်တစ်ဦးသေဆုံး

ဘင်္ဂလားဒေ့ရှ်နိုင်ငံ ကော့ဘဇားရှိ အိုကီးယား မြန်မာနိုင်ငံက ထွက်ပြေးလာကြသည့် မွတ်ဆလင် ဒုက္ခသည်များနေထိုင်ရာ စခန်းတစ်ခုတွင် ယနေ့နံနက်ပိုင်းက ရာဇဝတ်ဂိုဏ်းအဖွဲ့နှစ်ဖွဲ့ကြား အပြန်အလှန် ပစ်ခတ်မှုဖြစ်ပွားခဲ့ရာ မွတ်ဆလင်ဒုက္ခသည် အမျိုးသား တစ်ဦး သေဆုံးသွားသည်ဟု သိရသည်။

သေဆုံးသူမှာ အဆိုပါဒုက္ခသည်စခန်း ရပ်ကွက်အမှတ်(၃၂)တွင်နေထိုင်သူ အသက် ၃၅ နှစ်အရွယ်ရှိ ဘာရှား အူလာဖြစ်သည်။

စခန်းတွင်း သေနတ်ပစ်ခတ်မှုဖြစ်ပွါးချိန်မှာ နံနက် ၄:၃၀နာရီဖြစ်သည်ဟု အိုကီးယားရဲစခန်းမှ စခန်းမှူး မိုဟာမက်အလီက အတည်ပြုပြောကြားသည်။

နှစ်ဖက် လက်နက်ကိုင်း ဂိုဏ်းအဖွဲ့များအကြား သေနတ်ပစ်ခတ်မှု ၁၀ကြိမ်-ဆယ့်နှစ်ကြိမ်ခန့် ဖြစ်ပွါးခဲ့ပြီး အပြန်အလှန်ပစ်ခတ်မှုအတွင်း ဘာရှားပစ်ခတ်ခံရပြီး အပြင်းအထန်ဒဏ်ရာရရှိခဲ့သည်ဟု စခန်းမှူးက ပြောကြားသည်။

ဒဏ်ရာပြင်းထန်သဖြင့် ၄င်းအား စခန်းအမှတ် ၉ ရှိ ဆေးရုံသို့ ပို့ဆောင်ခဲ့ပြီး အခြေအနေ မကောင်းသဖြင့် ကော့ဘဇားခရိုင်ဆေးရုံသို့ ဆက်လက်ဆောင်စဉ် လမ်း၌ သေဆုံးသွားခဲ့သည်။

NN-27

Ref:Dhaka Tribune