- Web Master
- ၃၀ မေ ၂၀၂၃
နိရဥ္စရာ၊ မတ် ၄/ ၂၀၂၃
ရန်ကုန်- မန္တလေး အမြန်လမ်း ၁၆၇ မိုင်တွင် ယနေ့ မတ်လ ၄ ရက်နေ့ မနက်ပိုင်း ၄ ခွဲကျော်ခန့်တွင် ခရီးသည်ယာဥ် ၁ စီး တိမ်းမှောက်မှု ဖြစ်ပွားခဲ့ပြီး ကားပေါ်ပါလာသူ ရိုးရာလက်ဝှေ့ချန်ပီယံဟောင်း ရွှေဓူဝံ အပါအဝင် ၃ ဦးသေဆုံးခဲ့ပြီး ခရီးသည် ၂၀ ကျော် ထိခိုက် ဒဏ်ရာရရှိကြောင်း လူမှုကူညီရေး အသင်းထံမှ သိရှိရသည်။
တိမ်းမှောက်ခဲ့သည့် ခရီးသည်တင်ယာဥ်သည် "ဒို့ညီနောင်" ယာဥ်လိုင်းကဖြစ်ပြီး တောင်ကြီး- မြဝတီပြေးဆွဲသည့် ယာဥ်ဖြစ်ကြောင်း သိရှိရသည်။
"မြ၀တီသွားမယ့်ကား လိုသိရတယ်။ သေဆုံးတာ လေး ငါးဦးပေါ့"ဟု ဒေသလူမှုကူညီရေး အသင်းတာ၀န်ရှိသူ တစ်ဦးက ပြောသည်။
ထိခိုက်ဒဏ်ရာရရှိမှုအနေဖြင့် အမျိုးသား ၂၁ ဦး အမျိုးသမီး ၉ ဦး ထိခိုက်ခဲ့ပြီး နီးစပ်ရာ ဆွာ ဆေးရုံများသို့ ပို့ဆောင် ဆေးဝါးကုသစေခဲ့ကြောင်း၊ ထိုအထဲက အမျိုးသား ၃ ဦး သေဆုံးကြောင်း သိရှိရသည်။
ပြင်းထန် ဒဏ်ရာရရှိသူများအား နေပြည်တော် ကုတင် ၁၀၀၀ ဆေးရုံသို့ လွဲပြောင်းရန် စီစဥ်နေကြောင်း သိရှိရသည်။
ယာဉ်တိမ်းမှောက်ရာသို့ တောင်ငူပရဟိတအသင်း၊ သာဂရမီးသတ်နှင့် အခြားသက်ဆိုင်ရာတို့ မှကူညီ ကယ်ဆယ်မှုများ ပြုလုပ်ပေးခဲ့ကြောင်း သိရှိသည်။
(NN - 25) ဓါတ်ပုံ- တိမ်းမှောက်ခဲ့သည့် ခရီးသည်တင်ယာဥ်