- Web Master
- ၁၇ မေ ၂၀၂၄
နိရဉ္စရာ၊ စက်တင်ဘာ ၁၉/၂၀၂၂
ရခိုင်ပြည်လွတ်မြောက်ရေးပါတီ ( ALP)နှင့် စစ်ကောင်စီနီးစပ်မှုကို ရက္ခိုင့်တပ်တော် (AA) အနေဖြင့် စိုးရိမ်စရာမရှိကြောင်း ယနေ့ သတင်းစာရှင်းလင်းပွဲတွင် တပ်တော်ပြောခွင့်ရသူ ဦးခိုင်သုခက ပြောဆိုသည်။
“ ALP နဲ့ စစ်ကောင်စီ နီးစပ်မှုကို အေအေဘက်က ဘာမှ စိုးရိမ်မှုမရှိဘူး။ ဘာကြောင့်လည်းဆိုတော့ ကျွန်တော်လည်း အဲဒီအဖွဲ့မှာ ခေါင်းဆောင်လုပ်ဖူးခဲ့သူဖြစ်တယ်။ သူတို့ ခေါင်းဆောင်မှုစွမ်းရည်နဲ့ လက်ရှိအခြေအနေကိုသိနေပြီးသားဖြစ်တယ်။ အခုအချိန်အထိအမျိုးသားရေး အတွက် အောင်မြင်မှု ကိုင်ပြစရာမရှိသေးဘူး” ဟု ပြောဆိုသည်။
သို့သော်လည်း ALP က ပူးပေါင်းလာလျှင် တာဝန်ပေးဖို့ အဆင်သင့်ရှိကြောင်း ဦးခိုင်သုခက ဆက်လက် ပြောဆိုသည်။
“ ပူးပေါင်းလာရင်တော့ တာဝန်ပေးဖို့အသင့်ရှိတယ်။ တယောက်ချင်းလည်း အမှန်တကယ် အမျိုးသားရေးအတွက် အလုပ်လုပ်ဖို့ ပူးပေါင်းလာရင် လက်ခံမယ်။ ရခိုင်ပြည်မှာ ရက္ခိုင့်တပ်တော် တစ်ခုတည်းသာ ရှိရမယ်ဆိုတဲ့ မူကို ကြေငြာပြီးသားဖြစ်တဲ့အတွက် အဲဒီမူအတိုင်းသာ ဆက်သွားမယ်။ တခြားခေါင်းစဉ်နဲ့ လက်နက်ကိုင်လာရင်တော့ လက်ခံမှာမဟုတ်ဘူး။ ဘာကြောင့်ဆိုရင်တော့ တိုင်းပြည်လုံးခြုံရေးအတွက် အန္တရာယ်ဖြစ်နိုင်တဲ့ အတွက် ဖြစ်တယ်” ဟု ပြောဆိုသွားသည်။