မိုးကုတ်မြို့နယ်ထဲ စစ်ကောင်စီတပ်နှင့် TNLA တိုက်ပွဲပြင်းထန်ဖြစ်ပွားခဲ့

ရေးသူ: Web Master (NN 24)
| ရက်စွဲ: ၂၇ စက်တင်ဘာ ၂၀၂၃
| ကြည့်ရှုသူ: 813

မန္တလေးတိုင်း မိုးကုတ်မြို့နယ် ရေတွက်ကြီးရွာအနီး၌ စက်တင်ဘာလ ၂၆ ရက် မနေ့က စစ်ကောင်စီတပ်နှင့် တအာင်း/ပလောင်ပြည်နယ် လွတ်မြောက်ရေးတပ်ဦး PSLF/TNLA တို့ တိုက်ပွဲပြင်းထန်စွာဖြစ်ပွားခဲ့ ပြီး စစ်ကောင်စီတပ်ဘက်မှ လက်နက်ခဲယမ်းများသိမ်းဆည်း ရမိခဲ့ကြောင်း သိရသည်။

ရေတွက်ကြီးရွာသည် တအာင်းပြည်နယ် တပ်မဟာ (၂) စစ်ဒေသထိန်းချုပ်နယ်မြေအဖြစ် သတ်မှတ်ထား သည်ဟုဆိုထားပြီး အဆိုပါရွာထဲ၌ စစ်ကောင်စီတပ်က လာရောက်တပ်စွဲထားခြင်း ဖြစ်ကြောင်း သိရ သည်။

အဆိုပါတပ်စခန်းအား TNLA က စက်တင်ဘာလ ၂၆ ရက် နံနက် ၅ နာရီခွဲခန့်တွင် ဝင်ရောက် တိုက်ခိုက်ခဲ့ ခြင်းဖြစ်ကြောင်း TNLA သတင်း ပြန်ကြားရေးအဖွဲ့က စက်တင်ဘာလ ၂၇ ရက် ယနေ့ ထုတ်ပြန်ထား ခြင်းဖြစ်သည်။

‘’စကစ တပ်ဖက်က ကျွန်တော်တို့တပ်စခန်းတွေ၊ ကင်းစခန်းတွေကို လိုက်ပြီးတိုက်နေတာပါ။ ဒါကြောင့် ကျွန်တော်တို့တပ်စခန်းတွေ ပြန်ရဖို့တိုက်နေရတာဖြစ်ပါတယ်’’ ဟု PSLF/TNLA သတင်းပြန်ကြားရေး တာဝန်ခံ ဒု-ဗိုလ်မှုးကြီး မိုင်းအိုက်ကျော် က နိရဉ္စရာ ကို ပြောသည်။

ယင်းတိုက်ပွဲအတွင်း စစ်ကောင်စီတပ်ထံမှ လက်နက်ခဲယမ်းအမြောက်အများ သိမ်းဆည်းရမိခဲ့ပြီး ထိခိုက် သေဆုံးမှုအခြေအနေအသေးစိတ်ကိုတော့ မသိရှိရသေးကြောင်း ထုတ်ပြန်ချက်တွင် ဖော်ပြထားသည်။

ပြီးခဲ့သည့် စက်တင်ဘာလ ၂၀ ရက်နေ့က မိုးကုတ်မြို့စစ်ကောင်စီတပ်ဗျူဟာကုန်းမှ လက်နက်ကြီးများ ဖြင့် ပစ်ခတ်မှုကြောင့် အထက်ညောင်ကုန်းရွာရှိ နေအိမ်များပေါ်ကျရောက်ပေါက်ကွဲကာ ၄ ဦး သေဆုံးခဲ့ ပြီး ဒေသခံ ၅၀၀ နီးပါးတို့လည်း စစ်ဘေးတိမ်းရှောင်နေကြရကြောင်း ဖော်ပြထားသည်။