တောင်ကုတ်မောင်းကျေးရွာကို စစ်ကောင်စီက ဗုံးကြဲ၍ ၅ ဦးသေဆုံး

မင်းသျှင်စော၊နိရဉ္စရာ၊ အောက်တိုဘာ ၃၀/ ၂၀၂၄

တောင်ကုတ်မြို့နယ်၊ မောင်းကျေးရွာကို စစ်ကောင်စီလေတပ်က ဗုံးကြဲ၍ ၁၀ နှစ်အရွယ်မိန်းခလေး ၂ ဦးအပါအဝင် ရွာသား ၅ ဦးသေဆုံးသွားကြောင်း သတင်းရရှိသည်။

အောက်တိုဘာ ၃၀ ရက် နံနက် ၁၀ နာရီဝန်းကျင်တွင် မောင်းကျေးရွာအား  စစ်ကောင်စီလေတပ်က ဂျက်ဖိုက်တာတစ်စီးဖြင့် ဗုံးလာကြဲခဲ့သည်ဟု ဒေသခံတစ်ဦးက ပြောသည်။

သေဆုံးသူများမှာ မောင်းကျေးရွာမှ မတင်ကျန်၊ ကိုနေလင်းစိုး၊ ဆယ်နှစ်အရွယ် မိန်းခလေးနှစ်ဦးနဲ့ နောက်ထပ် တစ်ဦးတို့ဖြစ်ကြသည်။

ဒဏ်ရာရသူများလည်းရှိကြောင်း သိရသည်။

မောင်းကျေးရွာသည် တောင်ကုတ်မြို့တောင်ဘက် မိုင်အနည်းငယ် အကွာတွင် တည်ရှိကြောင်း သိရသည်။

ပုံစာ- တောင်ကုတ်မြို့နယ်က ဗုံးကြဲခံရသော ကျေးရွာတစ်ခုအားတွေ့ရစဉ်။ ပုံဟောင်းသာ