အိန္ဒိယနိုင်ငံ မင်္ဂလာဆောင်တစ်ခုတွင် ရေတွင်းထဲကိုပြုတ်ကျ၍ အမျိုသမီးနှင့် မိန်းခလေငယ် ၁၃ ဦးသေဆုံး

ရေးသူ: Web Master
| ရက်စွဲ: ၁၇ ဖေဖော်ဝါရီ ၂၀၂၂
| ကြည့်ရှုသူ: 10.2k

နိရဉ္စရာ၊ ဖေဖော်ဝါရီ ၁၇/ ၂၀၂၂ (နိုင်ငံတကာ)

အိန္ဒိယနိုင်ငံမြောက်ပိုင်းတွင် လက်ထပ်ပွဲကျင်းပနေစဉ်အတွင်း ရေတွင်းတစ်ခုထဲကို မတော်တဆပြုတ်ကျမှုကြောင့် အမျိုးသမီးနှင့် မိန်းကလေး ၁၃ ဦး သေဆုံးခဲ့ကြောင်း ရဲတပ်ဖွဲ့က ကြာသပတေးနေ့တွင် ပြောကြားခဲ့သည်။

သေဆုံးသူများသည် ရေတွင်းကို ဖုံးအုပ်ထားတဲ့ သံပြားပေါ်တွင် ဖေဖော်ဝါရီ ၁၆ ရက် (ဗုဒ္ဓဟူးနေ့) က ထိုင်နေကြစဉ် ရေတွင်းထဲကို ပြုတ်ကျခဲ့သည်ဟု အကြီးတန်းရဲအရာရှိ Akhil Kumar က Uttar Pradesh ပြည်နယ် Kushinagar မှာ သတင်းထောက်တွေကို ပြောသည်။

ရေတွင်းဟောင်းကို ဖုံးအပ်ထားသည့် သံပြားအဖုံးသည် ထိုင်နေသူများ၏ အလေးချိန်ကို မခံနိုင်ဟုဆိုသည်။ခရိုင်တရားသူကြီး S Rajalingam က ရေတွင်းသည် ဟောင်းနေပြီး အဖုံးပေါ်တွင် ထိုင်နေသူများ၏ အလေးချိန်ကို မခံနိုင်ရာမှ ပြုတ်ကျခြင်း ဖြစ်သည်ဟု ပြောဆိုသည်။

“သေဆုံးသူတွေ ပြုတ်ကျပြီး အပျက်အစီးတွေအောက်မှာ ကြေမွသွားခဲ့ပါတယ်” ဟု ၎င်းက ဆက်လက်ပြော ဆိုသည်။

အမျိုးသမီးများနှင့် ကလေးငယ်များသည် သူတို့ရွာတွင် ထိမ်းမြှားလက်ထပ်ပွဲကျင်းပရာသို့ စုရုံးရောက်ရှိလာကြစဉ် အဆိုပါ ကြေကွဲဖွယ်ရာဖြစ်ရပ် ဖြစ်ပွားခဲ့ခြင်း ဖြစ်သည်။

အိန္ဒိယ ဝန်ကြီးချုပ် Narendra Modi က ယခုမတော်တဆမှုမှာ “စိတ်နှလုံးကြေကွဲစရာ” ဖြစ်သည်ဟု ပြောဆိုသည်။

အိန္ဒိယမင်္ဂလာဆောင်ပွဲများသည် ဧည့်သည်အများအပြားနှင့် ရက်အတော်ကြာကျင်းပသည့် ခမ်းနားထည်ဝါသော အခမ်းအနားများနှင့်အတူ ကျင်းပကြသည်။

၂၀၁၇ ခုနှစ်တွင် အိန္ဒိယ အနောက်မြောက်ပိုင်း Rajasthan ပြည်နယ်တွင် မုန်တိုင်း တိုက်ခတ်မှုကြောင့် နံရံ ပြိုကျရာမျ မင်္ဂလာပွဲတက်ရောက်လာသူ ၂၄ ဦး သေဆုံးခဲ့သည်ဟု သိရသည်။