ပါကစ္စတန်တွင် ရက်သတ္တပတ်ကြာ မိုးသည်းထန်စွာ ရွာသွန်းမှုကြောင့် လူ ၂၈၂ ဦး သေဆုံး

နိရဉ္စရာ၊ ဇူလိုင် ၂၂/၂၀၂၂

ပါကစ္စတန်တွင် ရက်သတ္တပတ် ၅ ပတ်အတွင်း မုတ်သုံမိုးရွာသွန်းမှုနှင့် ရုတ်တရက်ရေကြီးမှုကြောင့် ဇူလိုင် ၂၁ ရက် ကြာသပတေးနေ့တွင် သေဆုံးသူဦးရေသည် အနည်းဆုံး ၂၈၂ ဦးအထိ ရောက်ရှိသွားခဲ့ကြောင်း တာဝန်ရှိသူများက ပြောကြားခဲ့သည်။

ရေလွှမ်းမိုးမှုကြောင့် မြစ်ချောင်းများ ရေများပြည့်လျှံလာပြီး  အဝေးပြေးလမ်းများ၊ တံတားများ နှင့် အိမ်ခြေ ၅၆၀၀ ခန့် ပျက်စီးခဲ့ကြောင်း အမျိုးသား သဘာဝဘေးအန္တရာယ် စီမံခန့်ခွဲရေး အာဏာပိုင်အဖွဲ့ (NDMA) ၏ အစီရင်ခံစာတွင် ဖော်ပြထားသည်။

မိုးရွာသွန်းမှုကြောင့် ပါကစ္စတန်နိုင်ငံတစ်ဝှမ်းရှိ နေရာအများအပြားတွင် ရေကြီးခဲ့ပြီး ပုံမှန်သွားလာမှု ပြတ်တောက်ခဲ့သည်။

မိုးရွာသွန်းမှုကြောင့် သေဆုံးခဲ့ရသူ ၂၈၂ ဦးအနက် အများစုမှာ အမျိုးသမီးများနှင့် ကလေးငယ်များဖြစ်သည်။ ပျက်စီးဆုံးရှုံးမှုနှင့် အသေအပျောက်အများစုကို အနောက်တောင်ပိုင်း ဘာလူချီစတန်ပြည်နယ်မှ ဖြစ်သည်ဟု  အစီရင်ခံစာတွင် ဖော်ပြသည်။

မိုးရွာသွန်းမှုကြောင့် အာဖဂန်နစ္စတန်၊ အရှေ့ပိုင်း ပန်ဂျပ်ပြည်နယ်နှင့် တောင်ပိုင်း Sindh ပြည်နယ်တို့ ထိစပ်နေသော အနောက်မြောက်ဘက်တွင်လည်း အသေအပျောက်နှင့် ပျက်စီးမှုများ ဖြစ်ပေါ်ခဲ့သည်။

နှစ်စဉ်နှစ်တိုင်း ပါကစ္စတန်ရှိ မြို့အများအပြားသည် နှစ်စဉ်မုတ်သုံရေလွှမ်းမိုးမှုဒဏ်ကို ခံနေကြရပြီး အစိုးရ၏ အစီအစဉ်ဆွဲမှု ညံ့ဖျင်းမှုအပေါ် ဝေဖန်မှုများ ထွက်ပေါ်လာသည်။

မိုးရာသီသည် ဇူလိုင်လမှ စက်တင်ဘာလအထိဖြစ်သည်။ ပါကစ္စတန်ရှိ ကောက်ပဲသီးနှံများကို ရေသွင်းရေသွင်းခြင်းနှင့် ဆည်များနှင့် အခြားရေလှောင်ကန်များ ပြန်လည်ဖြည့်တင်းရန်အတွက် မိုးရေသည် မရှိမဖြစ်လိုအပ်သည်ဟုဆိုသည်။

(282 killed in weeklong rains, flashfloods in Pakistan/ AP, Islamabad)